Հայատյաց կազմակերպությունը տագնապած է իրանցի հայերի` Վանում ծավալած գործունեությունից

Հասարակական07:06, 05 Օգոստոս 2014

Հայատյաց կազմակերպությունը տագնապած է իրանցի հայերի` Վանում ծավալած գործունեությունից

«Հայերի անհիմն պնդումների դեմ պայքարի միություն» հորջորջվող կազմակերպության (ASİMDER) հարավ-արևելյան Անատոլիայի մասնաճյուղի ներկայացուցիչ Իրֆան Էրմիշը տագնապ է հայտնել, որ իրանցի հայերը Վանում միսիոներական առաքելություն են իրականացնում: Ըստ Էրմիշի ունեցած տեղեկությունների` իրանցի հայերը Վան քաղաքի Հանրապետության պողոտայում առանց որևէ խոչընդոտի ավետարան են բաժանում քաղաքացիներին:

Թուրք գործիչը վրդովմունք է հայտնել, որ հայերը այդպես հանգիստ կարողանում են ծավալել իրենց նպատակադրած գործողությունը: Պատկան մարմիններին Էրմիշը զգոնության կոչ է արել` դժգոհելով, թե միթե իրենք կարող են ասենք Հայաստանում հանգիստ կերպով ղուրան բաժանել քաղաքացիներին:

Հայատյաց գործիչը նշել է, որ իրենք թուրքական իշխանություններից պահանջում են րոպե առաջ միջոցներ ձեռնարկել հայերի այդ գործունեությանը վերջ դնելու համար:

Ermenihaber.am