Էրդողանի և հաղորդավար Հաքսևերի ռասիմզը ծաղրանկարում

Հասարակական07:06, 08 Օգոստոս 2014

Էրդողանի և հաղորդավար Հաքսևերի ռասիմզը ծաղրանկարում

2014-ի օգոստոսի 5-ին հեռուստաեթերով հայության հասցեին վիրավորական արտահայտություն արած Թուրքիայի վարչապետ և նախագահի թեկնածու Ռեջեփ Թայիփ Էրդողանը շարունակում է քննադատությունների ենթարկվել:

Հիշեցնենք, որ NTV հեռուստաալիքի ուղիղ եթերում, հաղորդավար Օղուզ Հաքսևերի հետ զրույցի ընթացքում Էրդողանը մասնավորապես ասել էր. «Ինձ անվանել են վրացի: Կներեք, բայց ավելի վատ բան էլ են ասել, ինձ հայ են անվանել»:

Նմանօրինակ ռասիստական հայտարարության համար Թուրքիայում դատապարտում են ոչ միայն Էրդողանին, այլ նաև նրա խայտառակ խոսքերը հանդուրժած հաղորդավարին, ով չի միջամտել, պարզաբանում չի խնդրել: Հաքսևերի անբարեխիղճ մասնագիտական պահվածքը ծանր քննադատությունների է արժանանում հատկապես սոցիալական ցանցերում:

Թուրքական «Ջումհուրիյեթ» պարբերականի ծաղրանկարիչ Մուսա Քարթն անդրադարձել է այդ թեմային և իր արվեստի միջոցով ծաղրի առարկա դարձրել ռասիստական պահվածք դրսևորած Էրդողանին և նրա դիմաց նստած հաղորդավարին:

Ծաղրանկարներում Էրդողանը միտք է անում. «Կներեք, ինձ հայ են ասում», իսկ հաղորդավարը` «Կներեք, բայց ինձ էլ լրագրող են ասում»: