Դիրաբեքիրում արձանի ապամոնտաժումը` Ստամբուլում բողոքի ցույցերի պատճառ

Հասարակական08:18, 20 Օգոստոս 2014

Դիրաբեքիրում արձանի ապամոնտաժումը` Ստամբուլում բողոքի ցույցերի պատճառ

Նախօրեին Դիարբեքիրի Լիջե գավառի Յոլաչթը գյուղում քուրդ առաջնորդի արձանի ապամոնտաժումը դժգոհություն ալիք է առաջացրել նաև Ստամբուլում:

Ստամբուլի Օքմեյդան, Բեյօղլու, Քադըքյոյ և Սուլթանգազի թաղամասերում ոստիկանների և ցուցարարների միջև բախումներ են տեղի ունեցել. փողոցները վերածվել են մարտադաշտի: Հայտնում է թուրքական «Սոնդաքիքա» լրատվական կայքը: Ոստիկանները ցուցարարներին ցրելու համար կիրառել են արցունքաբեր գազ, ինչին ի պատասխան ցուցարաները իրավապահների վրա նետել են մոլոտվյան կոկտեյլներ: Բախումների ընթացքում մեկ հոգի վիրավորվել է:

Հիշեցնենք, որ 2013 թվականին Թուրքիայի քրդաբնակ Դիարբեքիրի Լիջե գավառի Յոլաչթը գյուղում թուրքական ուժերի և ՔԲԿ-ական (Քուրդիստանի բանվորական կուսակցություն-PKK) զինյալների միջև տեղի ունեցած բախման հետևանքով զոհված ՔԲԿ-ականների համար կառուցվել էր գերեզմանատուն, որտեղ էլ օրեր առաջ տեղադրվել էր զինյալների առաջին հրամանատար Մահսում Քորքմազի արձանը: Սակայն Քորքմազի արձանի տեղադրման գործով թուրքական դատարանը հետաքննություն էր սկսել՝ որոշելով ապամոնտաժել արձանը: Արձանի ապամոնտաժումը Դիարբեքիրում քուրդ բնակչության և ոստիկանության միջև բախումների պատճառ էր դարձել:

Ermenihaber.am