Հասարակական15:46, 29 Օգոստոս 2014
Հայկական ֆիլմի պատճառով «Թուրքական ավիաուղիները» հրաժարվել է հովանավորել կինոփառատոնը
Կոսովոյի Փրիզրեն քաղաքում օգոստոսի 24-ին ավարտվել է «Դոկուֆեստ» փաստագրական ֆիլմերի 13-րդ փառատոնը: Թուրքական ավիաուղիները, որը պետք է լիներ փառատոնի հովանավորներից մեկը, փառատոնի մեկնարկից մեկ շաբաթ առաջ հրաժարվել էր հովանավորել այն:
«Ագոս» շաբաթաթերթի տեղեկացմամբ՝ լուրեր են տարածվել, թե թուրքական ավիաուղիների համար հովանվորությունից հրաժարվելու պատճառ էր դարձել փառատոնի շրջանակներում «Հայաստանյան հեռանկարներ» բաժնում ներկայացված ֆիլմերից մեկը: Ընդհանուր թվով 8 հայկական ֆիլմերի մեջ են եղել
Նիգոլ Բեզջյանի «Կոշիկներս թողել եմ Ստամբուլում» ֆիլմը, որն անդրադառնում է
Հայոց ցեղասպանությանը, և Ղարաբաղի մասին պատմող Վարդան Հովհաննիսյանի «Պատերազմի և խաղաղության մեջ գտնվող մարդկանց պատմությունը» ֆիլմը:
«Ագոսի» թղթակից Լորա Սարին փորձել էր փառատոնի տնօրեններից մեկից` Էրոլ Բիլիբանիից ճշտել, թե հատկապես, որ ֆիլմի պատճառով է թուրքական ընկերությունը հրաժարվել հովանավոր լինելուց: Սակայն, ինչպես նշել է Էրոլ Բիլիբանին, թուրքական ավիաուղիների որոշումը պայմանավորված է եղել ոչ թե վերոնշյալ երկու ֆիլմերի ցուցադրությամբ, այլ «Հայի արցունքները» կոչվող ֆիլմով, որն իրականում հայտավորված չի եղել փառատոնի ծրագրում:
Ինչպես հայտնել է Բիլիբանին, այդ ֆիլմը ոչ միայն չի եղել փառատոնի ծրագրում, այլև իրականում դա ֆիլմ էլ չէ, այլ ինչ որ մեկի պատրաստած 5 րոպեանոց տեսանյութ, որը գտել են «Youtube» կայքում: Պարզ չէ նաև, թե ով է նմանատիպ սխալ տեղեկություն տվել թուրքական ընկերությանը: Բիլիբանիի կարծիքով այդ տեղեկության աղբյուրը արտգործնախարարությունն է եղել:
«Ագոսի» թղթակիցը պարզաբանում ստանալու համար դիմել է նաև թուրքական ավիաընկերությանը,
սակայն պատասխան չի ստացել:
Լորա Սարին հայտնում է նաև, որ արտգործնախարարության կուլիսներում խոսվում է այն մասին, թե այդ տեղեկատվությունը թուրքական ընկերությանն էր հասել Փրիզրենի թուրքական հյուպատոսության միջոցով, ինչպես
նաև բավականին նորմալ է համարվում, որ թուրքական ընկերությունը չի հովանավորել այդ փառատոնը, որն ամեն տարի մի քանի հայկական ֆիլմեր է ցուցադրում:
Ermenihaber.am
Այս ենթաբաժնի վերջին նորությունները
15:23, 19 սեպ
Հերթական անգամ չեղարկվել է իրանցի երաժիշտ Նամջուի համերգը Թուրքիայում
«Այս համերգային շրջագայությունը չեղարկվել է բարձրաստիճան պաշտոնյանների հրահանգով»,- նշել է երաժիշտը։
14:26, 17 սեպ
Աշխարհի ամենանեղ փողոցը Թուրքիայում է (ֆոտո)
Փողոցի լայնությունն ընդամենը 60–70 սանտիմետր է, և փողոցով կարող է անցնել միայն 1 մարդ։
17:21, 16 սեպ
Թուրքիայի աղքատության քարտեզը. ամենախեղճ քաղաքները
Աղքատության բարձր մակարդակ է գրանցվել Հայաստանին սահմանակից Աղրը, Կարս, Իգդիր և Արդահան քաղաքներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Եղանակ
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
Այո0%
Ոչ0%
Չգիտեմ36.1%
Կբացվի ավելի ուշ63.9%
արտարժույթ
| EUR | TRY | USD |
| 549.84 | 90.05 | 485.12 |