Հայերը Մուշում միություն են ստեղծել

Հասարակական13:47, 11 Սեպտեմբեր 2014

Հայերը Մուշում միություն են ստեղծել

Մուշում հիմնադրվել է «Տարոնի հայերի համերաշխության, սոցիալական և զբոսաշրջային» միությունը:

Ընեկրության բացման արարողությանը մասնակցել են ընդդիմադիր «Ժողովրդահանրապետական կուսակցության» նախկին պատգամվոր Շերիֆ Էրթուղրուլը, նույն կուսակցության նահանգային ղեկավար Իսմայիլ Ադանուրը, ինչպես նաև արտերկրից ժամանած հայեր և այլ հրավիրյալներ: Այս մասին տեղեկացնում է «Աժանս Մանիսա» լրատվական կայքը:

Ընկերության ղեկավար խորհրդի անդամ Արմեն Գալուստյանը հանդես է եկել բացման խոսքով: Նա նշել է, որ կազմակերպությունը հիմնադրվել է հանուն ժողովուրդների եղբայրության:

«Մուշում հայերի գոյության մասին պատմելու և ժողովուրդների միջև եղբայրությունը ամրապնդելու նպատակով ենք այս միությունը ստեղծել: Այլ նպատակ չենք հետապնդում»,- հայնտել է Արմեն Գալուստյանը

Նա, նշելով որ հայ բառը Թուրքիայում հայհոյանք է ընկալվում, ասել է որ նպատակ ունեն այդ մտածելակերպը փոխել: Գալուստայնի խոսքերով՝ միության գործունեության շրջանակներում արտերկրից հայերը Թուրքիա կգան, իսկ թուրքերն ու քրդերը Հայաստան կայցելեն:

Ermenihaber.am