Հայերից ներողություն խնդրելու կոչ անող թուրք լրագրողների դեմ մահափորձ է նախապատրաստվում

Հասարակական10:01, 30 Սեպտեմբեր 2014

Հայերից ներողություն խնդրելու կոչ անող թուրք լրագրողների դեմ մահափորձ է նախապատրաստվում

Թուրքիայում սպառնացել են սպանել ընդդիմադիր թերթերի հոդվածագիրներ Մուրադ Բելգեին (Թարաֆ) և Այդըն Էնգինին (Ջումհուրիյեթ): Թուրքական «T24» ընդդիմադիր լրատվամիջոցի գրասենյակի մուտքի դռան մոտ անհայտ անձի կողմից «Մի հայրենասեր» ստորագրությամբ ծրար է թողնվել, որի մեջ նախապատրաստվող մահափորձի մասին տեղեկություն է հաղորդվում:

«Այդըն Էնգինի և Մուրաթ Բելգեի համար արդեն վճիռը կայացված է: Նախապատրաստվում է նրանց սպանությունը, համապատասխան մարդիկ արդեն անցել են գործի»:

«T24» լրատվականի խմբագիր Դողան Աքընը պահանջել է, որ Թուրքիայի իրավապահ մարմիններն ապահովեն նշյալ լրագրողների անվտանգությունը: Դողանը հիշեցրել է, որ Հրանտ Դինքի սպանությունից հետո իրենց հեղինակած հոդվածների համար որոշ շրջանակների կողմից Բելգեն և Էնգինը հայտարավել էին դավաճաններ: Փաստորեն մահափորձ է նախապատրաստվում այն լրագրողների դեմ, ովքեր վերջերս դատապարտել էին պատմության դասագրքերում հայերի նկատմամբ ատելություն սերմանող նյութերը, անհապաղ պահանջել հանել դրանք կրթական ծրագիրից և ներողություն խնդրել հայերից: Հայ-թուրքական խաղաղության ձեռբերումը, ըստ նրանց, անցում է հենց այդ ներողության ճանապարհով 2015-ին ընդառաջ:

Ermenihaber.am