«Ակոսի»-ին թղթակցելու համար ադրբեջանցի լրագրողը հետապնդումների է ենթարկվում Ադրբեջանում

Հասարակական07:00, 10 Հոկտեմբեր 2014

«Ակոսի»-ին թղթակցելու համար ադրբեջանցի լրագրողը հետապնդումների է ենթարկվում Ադրբեջանում

Արզու Գեյբուլլաևան, ով թղթակցում է Ստամբուլում լույս տեսնող հայկական «Ակոս» շաբաթաթերթին, իր հայրենիքում հետապնդումների է ենթարկվում: «Ակոս»-ը, անհանգստություն հայտելով Գեյբուլլաևայի կյանքի անվտանգության համար, նշում է, որ Ադրբեջանում հաճախակիացել են նրա հասցեին վիրավորանք, սպառնալիքներ պարունակող լուրերը: Լուրեր, որոնք ատելություն են սերմանում լրագրողի նկատմամբ և նրան թիրախ դարձնում:

Ամեն ինչ սկսվել էր ադրբեջանական modern.az կայքի կողմից Գեյբուլլաևայի հետ պատրաստած ռեպորտաժից, որտեղ Գեյբուլլաևան մի շարք հետաքրքիր հարցերի է պատասխանում, ինչպես օրինակ. «Գաղնիք չէ, որ «Ակոս» թերթը հայկական լրատվամիոց է, որը ժամանակին գլխավորում էր Հրանտ Դինքը: Որպես այնտեղ աշխատող ադրբեջանցի` ինչպիսի՞ հարաբերություններ ունեն Ձեզ հետ: «Ակոսը» գրաքննության ենթարկել է՞ Ձեր հոդվածները, այն պատճառով որ Դուք ադրբեջանցի եք: Ինչպիսի՞ն է ակոսցիների վերաբերմունքը Ձեր հանդեպ»:

Գեյբուլլաևան հայտնվել է նաև ադրբեջանական aznews.az, musavat.com, newstimes.az, azinform.az կայքերի թիրախում: Aznews.az կայքից Էլնուր Էլթուրքը «Ակոսը» համարել է Թուրքիայում հայերի հիմնական խոսափողը, իսկ լրագրողին՝ «թշնամու ջրաղացին ջուր լցնող»:

Գեյբուլլաևան տեղեկացրել է, որ նմանատիպ լուրերից հետո ավելի հաճախ է սպառնալիքներ ստանում: «Ասում են, թե փողի համար եմ աշխատել, ինձ դավաճան են անվանում: Կան մարդիկ, որ ինձ «հայ շուն» են ասում»:

Ermenihaber.am