Էրդողանը միջամտել է ղուրանը պղծած քաղաքացու դատին

Հասարակական05:59, 23 Հոկտեմբեր 2014

Էրդողանը միջամտել է ղուրանը պղծած քաղաքացու դատին

Թուրքիայում օրեր առաջ «Twitter» սոցիալական կայքի օգտատերերից մեկը նկար էր հրապարակել, որտեղ տրորում է մահմեդականների սուրբ գիրքը՝ ղուրանը: Անկարայի քաղաքապետ Մելիհ Գյոքչեքն իր փաստաբան Էսեննուր էզգիի միջոցով տվյալ օգտատերի նկատմամբ դատախազություն բողոք էր ներկայացրել իսլամը վիրավորելու պատճառաբանությամբ:

Թուրքական «Սաբահ» թերթը տեղեկացնում է, որ հաջողվել է պարզել է «Twitter»-ում «kedibiti» անվամբ հայտնի օգտատիրոջ ինքնությունը: Նա Ստամբուլի 38-ամյա մի բնակիչ է: Հանրային անվտանգության Ստամբուլի մասնաճյուղի կիբեռհանցագործությունների վարչությունը կալանավորել է նրան և առգրավել նրա համակարգիչը, բջջային հեռախոսը: Նշվում է, որ այդ անձը ոչ միայն տրորել է ղուրանը, այլև վիրավորել է պետության ղեկավարներին:

Քաղաքացու նկատմամբ քրգործ է հարուցվել զրպարտության, հանրությանը հրապարակավ ատելության և թշնամության դրդելու և հասարակական անդորրը խախտելու նպատակով վիրավորանքներ հրապարակելու փաստարկով: Հայտնի է դարձել, որ գործին իր փաստաբանի միջոցով միջամտել է նաև Թուրքիայի նախագահ Ռեջեփ Թայիփ Էրդողանը: