Ֆեթհիյե Չեթինի գնահատականը թուրք ռեժիսորի` ցեղասպանության թեմայով նկարահանած ֆիլմին

Հասարակական07:08, 06 Դեկտեմբեր 2014

Ֆեթհիյե Չեթինի գնահատականը թուրք ռեժիսորի` ցեղասպանության թեմայով նկարահանած ֆիլմին

Թուրքիայում հայտնի իրավապաշտպան, Հրանտ Դինքի ընտանիքի փաստաբան Ֆեթհիյե Չեթինը Ermenihaber.am -ի հետ զրույցում անդրադարձավ թուրք ռեժիսոր Ֆաթիհ Աքընի` վերջին օրերին լայնորեն քննարկվող «The Cut» (Հատում) ֆիլմին, որի թեման Հայոց ցեղասպանությունն է:

Չեթինը, նշելով, որ սա շատ կարևոր ու ազդեցիկ ֆիլմ է, մասնավորապես ասաց.

«Չեմ հասկանում, թե ինչու են մարդիկ այդքան քննադատում ֆիլմը: Հնարավոր է՝ որոշ թերություններ լինեն, անթերի բան չկա: Բայց սա կարևոր ֆիլմ է, որովհետև թուրք ռեժիսորի կողմից այս թեմայով նկարահանված և Թուրքիայում ցուցադրվող առաջին ֆիլմն է: Այդ առումով շնորհավորում եմ Ֆաթիհ Աքընին: Ընդ որում ռեժիսորը բավականին լավ է մատուցում պատմությունը»:

Իսկ այն հարցին, թե արդյոք թուրք հասարակությունը պատրաստ է ֆիլմին, Չեթինը նշեց.

«Նման քայլերով կպատրաստվի, այլընտրանք չկա»:

Հիշեցնենք որ գերմանաբնակ թուրք ռեժիսոր Ֆաթիհ Աքընը դեկտեմբերի 2-ին ֆիլմը ներկայացրել էր Ստամբուլում: «Հատում»-ը պատմում է տեղահանված մի հայի` մարդինցի դարբին Նազարեթ Մանուկյանի դեգերումների մասին: Հայոց ցեղասպանության տարիներին նա կորցնում է իր երկվորյակ դստրերին: Տարիներ հետո, իմանալով, որ նրանք կարող է ողջ լինեն, ճանապարհվում է նրանց փնտրելու: Որոնումների ճամփան Նազարեթին հասցնում է մինչև Կուբա և Հյուսիսային Դակոտա: Ամբողջ ֆիլմի ընթացքում հերոսը ոչ մի բառ չի ասում. աքսորի ընթացքում կոկորդի քերծվածքի հետևանքով նա կորցնում է ձայնը և համրանում: Նազարեթի կերպարը մարմնավորել է ալժիրցի դերասան