Թուրքիայում Ֆաթիհ Աքընի «Հատում» ֆիլմը համարվել է 18+

Հասարակական11:31, 08 Դեկտեմբեր 2014

Թուրքիայում Ֆաթիհ Աքընի «Հատում» ֆիլմը համարվել է 18+

Թուրքիայում ազգությամբ թուրք գերմանացի ռեժիսոր Ֆաթիհ Աքընի՝ Հայոց ցեղասպանության մասին պատմող «Հատում» ֆիլմը կցուցադրվի միայն 18-ից բարձր հանդիսատեսի համար:

Թուրքիայում ֆիլմերի ցուցադրման և դասակարգման խորհրդի որոշմամբ՝ թուրքական ծագմամբ ռեժիսորի ֆիլմը ընդգրկվել է 18+ կատեգորիայի մեջ: Ինչպես տեղեկացնում է թուրքական «Ինտեր հաբեր» լրատվական կայքը, խորհրդի որոշումը տարաբնույթ, այդ թվում և ֆիլմը գրաքննության ենթարկելու մասին մեկնաբաննությունների պատճառ է դարձել:

Ֆիլմը Եվրոպայում ցուցադրվել է 12-ից բարձր հանդիսատեսի համար:

Հիշեցնենք, որ «Հատում»-ը պատմում է տեղահանված մի հայի` մարդինցի դարբին Նազարեթ Մանուկյանի դեգերումների մասին: Հայոց ցեղասպանության տարիներին նա կորցնում է իր երկվորյակ դստրերին: Տարիներ անց, իմանալով, որնրանք կարող է ողջ լինեն, ճանապարհվում է նրանց փնտրելու:

Ֆիլմի սցենարըհեղինակել են ռեժիսոր Ֆաթիհ Աքընը ու իրանահայ Մարտիկ Մարտինը: Գլխավոր հերոսի դերակատարը ալժիրցի դերասան Թահար Ռահիմն է: Ֆիլմում նկարահանվել են նաև Սիմոն Աբգարյանը, Արսինե Խանջյանը և այլք:

138 րոպե տևողությամբ ֆիլմի նկարահանումներն անցկացվել են Հորդանանում,Կանադայում, Գերմանիայում, Կուբայում և Մալթայում: Իտալական, ֆրանսիական, գերմանական և ռուսական համատեղ արտադրության այս ֆիլմի պրոդյուսերական կազմը համալրում են Ռուբեն Դիշդիշյանը, Կարլ Բաումգարտները, Ռեյնհարդ Բրունինգը, Ֆաբիեն Վոնիերը:

Ermenihaber.am