Թուրք ազգայնականները շնորհավորում են հայերից ազատվելու 100-րդ տարին

Հասարակական08:00, 24 Փետրվար 2015

Թուրք ազգայնականները շնորհավորում են հայերից ազատվելու 100-րդ տարին

Թուրքիայում երիտասարդ ազգայանկանները, Խոջալուի դեպքերը որպես պատրվակ օգտագործելով, բողոքի ակցիա էին կազմակերպել Ստամբուլի Գալաթասարայ հրապարակում: Թուրքական «Դեմոկրատ հաբեր» լրատվական կայքի տեղեկացմամբ՝ բողոքի ակցիան վերածվել է շովինիստական ցույցի, որի ընթացքում ռասիստական արտահայտություններ են հնչեցվել հայ և քուրդ ժողովուրդների հասցեին:

«Genç Atsızlar» խումբն էլ հայերից ազատվելու համար շնորհավորական պաստառ է բացել , որի վրա գրված է եղել. «Շնորհավոր մեր հայրենիքը հայերից մաքրելու 100-րդ տարին: Հպարտ ենք մեր փառավոր նախնիներով»: Նման պաստառներ հայտնվել են Մուղլա, Մանիսա, Օրդու քաղաքներում:

Ըստ աղբյուրի՝ այս պաստառները սոցցանցերում որոշ օգտատերերի կողմից մեկնաբանվել են, որպես խոստովանություն առ այն, որ 1915 թվականին տեղի են ունեցել էթնիկ զտումներ և իրականացվել է ցեղասպանություն:

Ermenihaber.am