Ստամբուլում կատարվել է հայկական հիվանդանոցի նոր շենքի հիմնարկեքը

Հասարակական13:27, 16 Մարտ 2015

Ստամբուլում կատարվել է հայկական հիվանդանոցի նոր շենքի հիմնարկեքը

Ստամբուլի տեղի է ունեցել անցյալ տարի փլուզված հայկական Սուրբ Հակոբ հիվանդանոցի նոր շենքի հիմնարկեքի արարողությունը: Մարտի 14-ին տեղի ունեցած արարողությանը մասնակցել են Ստամբուլի Շիշլի վարչական շրջանի ղեկավար Հայրի Ինոնյուն, Թուրքիայի կաթոլիկ հայերի հոգևոր առաջնորդ արքեպիսկոպոս Լևոն Զեքիյանը, ինչպես նաև պոլսահայ համայնքի ներկայացուցիչներ: Հիվանդանոցի նոր շենքում գործելու է նաև տարեցների խնամքի կենտրոն:

1831 թվականից գործող Սուրբ Հակոբ հիվանդանոցի` 1963-ին կառուցված վերջին մասնաշենքը փլուզվել էր 2014-ի մայիսի 2-ին:

Ըստ «Ագօս» հայկական շաբաթաթերթի` նոր կառուցվող հիվանդանոցը կունենա 50 հիվանդասենյակ: Հինգ հարկանի նոր շենքում կգործեն ֆիզիոթերապիայի բաժանմունք, նորագույն սարքավորումներով հագեցած լաբորատորիաներ և ամբողջական ախտորոշիչ սարքավորումներով համալրված վիրահատարաններ:

Աղբյուր` Ermenihaber.am