Թուրքական կինոամսագրի ապրիլյան համարը կնվիրվի հայերին

Հասարակական10:37, 30 Մարտ 2015

Թուրքական կինոամսագրի ապրիլյան համարը կնվիրվի հայերին

Թուրքիայում լույս տեսնող «Film Arası» կինոամսագրի ապրիլյան համարը նվիրված կլինի թուրքական ֆիլմարտադրությունում իրենց ներդրումն ունեցած հայերին:

Այս մասին տեղեկացնող «CNN Türk» լրատվական ծառայությունը հայտնում է, որ ամսագիրը համապարփակ անդրադարձ է կատարելու թուրքական կինեմատոգրաֆում հայերի ունեցած դերին:
«Ամսագիրը, հարցազրույցների ու հոդվածների միջոցով թեման տարբեր տեսանկյուններից ներկայացնելով, թուրքական ֆիլմերում հայերի և հայկական ծագմամբ Թուրքիայի քաղաքացիների ունեցած ներդրումը լուսաբանող հոդվածներից բացի, ներկայացնելու է նաև 1915թ դեպքերին հայ և թուրք ֆիլմարտադրողների մոտեցումներն ամփոփող մի հետազոտություն»:

Նշյալ կինոամսագրում տեղ են գտել նաև թեմայի վերաբերյալ երկու կարևոր հարցազրույց, մեկը՝ հայտնի ռեժիսոր Թոմրիս Գիրիթլիօղլուի, մյուսը՝ կինոքննադատ Ալին Թաշչյանի հետ:

Ամսագրի «Կինոյի հայերը» վերնագրով համարը վաճառքում կլինի ապրիլի առաջին շաբաթվա ընթացքում:

Աղբյուր` Ermenihaber.am