Հասարակական13:53, 22 Ապրիլ 2015
Թուրքիան առաջինն է աշխարհում Twitter-ին դիմած արգելափակման հայցերի թվով
Twitter սոցիալական կայքը հրապարակել է 2014 թվականի հուլիս 1-ից դեկտեմբերի 31-ն ընկած ժամանակահատվածի վերաբերյալ իր գործունեության թափանցիկության հաշվետվությունը: Ըստ թուրքական ընդդիմադիր «Zaman» պարբերականի՝ այդ հաշվետվությունից պարզ է դառնում, որ Twitter-ին ներկայացրած արգելափակման պահանջների թվով Թուրքիան աշխարհում առաջին տեղն է զբաղեցնում:
Այն դեպքում, երբ նշյալ ժամանակահատվածում ընդհանուր առմամբ ամբողջ աշխարհից Twitter-ին ներկայացվել է բովանդակության հեռացման 376 պահանջ, դրանցից միայն 328-ը ուղարկվել է Թուրքիայից: Ընդ որում, նմանատիպ պահանջով են հանդես եկել ինչպես թուրք անհատներ, այնպես էլ պետական կազմակերպություններ կամ պաշտոնյաներ՝ անձնական վիրավորանքների, իրավունքների ոտնահարման պատճառաբանություններով:
«Թուրքական պետական կազմակերպությունների, պաշտոնական անձանց և շարքային քաղաքացիների դիմումով այս կամ այն բովանդակության հեռացման վերաբերյալ թուրքական դատարաններից 328 դատական որոշում ենք ստացել: Դրանց ավելի քան 70 տոկոսը բողոքարկել ենք, քանի որ այդ որոշումները խախտել են խոսքի ազատության օրենքը կամ այլ թերություններ են ունեցել, սակայն մեր հայցը բավարարվել է միայն դրանց 5 տոկոսի դեպքում», - ասված է հաշվետվության Թուրքիայի վերաբերյալ բաժնում:
Այս ենթաբաժնի վերջին նորությունները
«Այս համերգային շրջագայությունը չեղարկվել է բարձրաստիճան պաշտոնյանների հրահանգով»,- նշել է երաժիշտը։
Փողոցի լայնությունն ընդամենը 60–70 սանտիմետր է, և փողոցով կարող է անցնել միայն 1 մարդ։
Աղքատության բարձր մակարդակ է գրանցվել Հայաստանին սահմանակից Աղրը, Կարս, Իգդիր և Արդահան քաղաքներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |