Կայացել է Հայաստան- Թուրքիա լրագրողական մրցանակաբաշխությունը

Հասարակական09:30, 13 Հունիս 2015

Կայացել է Հայաստան- Թուրքիա լրագրողական մրցանակաբաշխությունը

Հունիսի 12-ին կայացել է «Համաշխարհային քաղաքական միտումների կենտրոնի» (GPOT) կողմից կազմակերպված ամենամյա «Թուրքիա-Հայաստան լրագրողական մրցանակաբաշխությունը»:

Թուրքիայում ԱՄՆ–ի դեսպանատանն իրականացված մրցանակաբաշխությանը ներկայացված էին 20-ից ավելի հայ և թուրք սյունակագրի նախորդ մեկ տարվա ընթացքում հեղինակած շուրջ 35 հոդված: Ժյուրիի անդամներ Օրալ Չալըշլարը, Մենսուր Աքգյուն և Սիլվիա Թիրյաքին այս տարվա մրցանակը շնորհել են թուրքական «Milliyet» պարբերականի թղթակից Մեհվեշ Էվինին՝ 2015թ. ապրիլի 12-ին հրապարակված «1915, ցեղասպանությու՞ն, թե՞ ոչ» վերնագրով հոդվածի համար:

«Ինձ համար մեծ պատիվ է ստանալ Թուրքիա-Հայաստան լրագրողական մրցանակը՝ 1915-ի 100-րդ տարելիցին: Ես այս մրցանակով պարտական եմ Հրանտ Դինքին, որին անձամբ երբեք չեմ ճանաչել, սակայն շատ եմ տպավորվել նրա գաղափարներից, մարդկայնությունից ու նրա կատարած լրագրողությունից», - հայտարարել է Էվինը:

Աղբյուր` Ermenihaber.am