Դեմիրթաշն անդրադարձել է իր եղբոր՝ վիրավոր կամ սպանված լինելու մասին լուրերին

Հասարակական09:19, 01 Օգոստոս 2015

Դեմիրթաշն անդրադարձել է իր եղբոր՝ վիրավոր կամ սպանված լինելու մասին լուրերին

Թուրքիայի քրդամետ «Ժողովուրդների դեմոկրատական» կուսակցության» (ԺԴԿ-HDP) համանախագահ Սելահաթթին Դեմիրթաշը չի հաստատել թուրքական կողմի տարածած տեղեկությունն այն մասին, որ թուրքական օդուժի ռազմագործողությունների հետևանքով, ի թիվս այլ քուրդ զինյալների, վիրավորվել կամ սպանվել է իր ավագ եղբայրը՝ Նուրեթթին Դեմիրթաշը:

Նշենք, որ թուրքական կողմի հայտնած տեղեկության համաձայն՝ օդային ռմբակոծման ժամանակ ոչնչացվել է ՔԲԿ-ի 65 թիրախ, սպանվել՝ 26 զինյալ, իսկ վիրավորվել՝ 400-ը:

Ըստ թուրքական «ajanshaber»-լրատվամիջոցի` հրավիրված մամուլի ասուլիսի ժամանակ Դեմիրթաշը լրագրողներին տեղեկացրել է, որ իր եղբայրը Քանդիլում չէ: Նրա մասին ստույգ տեղեկություն առայժմ չունի:

«Կարող է վիրավորվել, կամ զոհվել է «Իսլամական պետության» դեմ ծավալվող մարտերում, դա նորմալ է»,- նշել է քաղաքական գործիչը:

Աղբյուր` Ermenihaber.am