Սոցհարցում. արտահերթ ընտրություններում ԱԶԿ-ն կկարողանա վերադարձնել կորցրած ձայները

Հասարակական09:29, 20 Օգոստոս 2015

Սոցհարցում. արտահերթ ընտրություններում ԱԶԿ-ն կկարողանա վերադարձնել կորցրած ձայները

Թուրքիայում կոլաիցիոն կառավարության ձևավորման ջանքերի ձախողումից հետո օրակարգում է արտահերթ ընտրություններ անցկացնելու հարցը: Ըստ թուրքական «Հաբերլեր» լրատվական կայքի` «ORC» վիճակագրական ուսումնասիրությունների կենտրոնը անցկացրել է սոցհարցում ` պարզելու արտահերթ ընտրությունների հավանական առաջատարներին:

«ORC»-ի տնօրեն Մեհմեթ Մուրաթ Փոսթեկինը հայտարարել է, որ արտահերթ ընտրւթյուններում իշխող «Արդարություն և զարգացում կուսակցությունը» (ԱԶԿ-AKP) ամենայն հավանականությամբ կկարողանա վերադարձնել կորցրած ձայները և նորից միանձնյա կառավարություն ձևավորել:

Կազմակերպությունը անցկացրել է սոցհարցում` ընտրողներին հարցնելով, թե եթե այս կիրակի ընտրություններ լինեն ում ձայն կտան և ստացել հետևյալ արդյունքները. «Արդարություն և զարգացում կուսակցություն» (ԱԶԿ-AKP) 44.1%, «Ժողովրդահանրապետական կուսակցություն» (ԺՀԿ-CHP) 26.8%, «Ազգայնական շարժում կուսակցություն» (ԱՇԿ-MHP) -15.6%, «Ժողովուրդների դեմոկրատական կուսակցություն» (ԺՀԿ-HDP) 10.6%:

Կազմակերպության նախագահը նաև նշել է , որ եթե «ԱԶԿ»-ն կարողանա «համոզել» հունիսի 7-ին ընտրություններին չմասնակցած 3% ընտրողներին մասնակցել արտահերթ ընտրություններին և իրեն ձայն տալ, ապա նրա հաջողությունը երաշխավորված կլինի:

Աղբյուր` Ermenihaber.am