Էսքիշեհիրի հայկական եկեղեցու բարեկարգման աշխատանքները կավարտվեն 2-3 ամսից

Հասարակական10:43, 04 Սեպտեմբեր 2015

Էսքիշեհիրի հայկական եկեղեցու բարեկարգման աշխատանքները կավարտվեն 2-3 ամսից

Թուրքիայի Էսքիշեհիրի Սիվրիհիսար շրջանում գտնվող հայկական Սուրբ Երրորդություն եկեղեցում բարեկարգման աշխատանքներ են կատարվում, որոնք կավարտվեն 2-3 ամիս:

Այժմ կատարվում են ջրմատակարարման, լուսավորման աշխատանքները, եկեղեցու տարածքում տեղադրվելու են քանդակագործ Մեթին Յուրդանուրի ստեղծագործոթւոյւնները:

Սիվրիհիսարի շրջկենտրոնի աշխատակիցները «Ակօս» շաբաթաթերթի հետ զրույցում հայտնել են, որ ցանկանում են, որ Պոլսի Հայոց պատրիարքության մասնակցությամբ բացման արարողություն կատարվի: Նրանք հայտնել են, որ շրջկենտրոնը դրական է վերաբերվում եկեղեցին պաշտամունքային արարողությունների համար բացելուն, սակայն դրա որոշումը քաղաքական կամք է պահանջում:

Եկեղեցին կառուցվել է 1650 թվականին, 1876 թվականին հրդեհից վնասված եկեղեցին վերաբացվել է 1881 թվականին: Եկեղեցու վերակառուցումը սկսվել է 2010 թվականին, երբ Սիվրիհիսարի շրջկենտրոնի սեփականությունը համարվող եկեղեցին հանձնվել է Մշակույթի նախարարությանը:

Աղբյուր` Ermenihaber.am