Թուրք օգտատեր. «Շատ շուտով Քադաֆիի նման Էրդողանի դեմքին էլ ոտքով հարված կհասցնենք»

Հասարակական13:45, 07 Հոկտեմբեր 2015

Թուրք օգտատեր. «Շատ շուտով Քադաֆիի նման Էրդողանի դեմքին էլ ոտքով հարված կհասցնենք»

Թուրքիայի նախագահ Ռեջեփ Թայիփ Էրդողանի վերաբերյալ սկանդալային գրառում է հայտնվել Facebook սոցիալական ցանցում:

Թուրքական իշխանամետ «Yeni akit» պարբերականի ինտերնետային կայքի համաձայն՝ Հաքան Սեվինչ (Hakan Sevinç) անվամբ օգտատերը Էրդողանին համեմատել է Լիբիայի նախկին առաջնորդ գնդապետ Մուամմար Քադաֆիի հետ: Հիշեցնելով Քադդաֆիի մահվան հանգամանքները՝ օգտատերը գրել է. «Այո, շատ շուտով Քադաֆիի նման Էրդողանի դեմքին էլ ոտքով հարված կհասցնենք և նրա ենթակայության տակ գտնվող բոլորը այդ դառնությունը կճաշակեն»:

Հիշեցնենք, որ 2011թ. Թունիսում ծայր առած և «արաբական գարուն» անվամբ հայտնի հեղափոխությունների ալիքը տարածվել էր նաև հարևան Լիբիայում ՝ ի վերջո հանգեցնելով երկրի առաջնորդ Մուամմար Քադդաֆիի տապալմանը: 2011թ. հոկտեմբերին Լիբիայի Սիրտ քաղաքում թաքնվող Քադաֆին կատաղած ամբոխի կողմից լինչի դատաստանի ենթարկվեց:

Աղբյուր` Ermenihaber.am