Ամերիկացի պոռնոաստղը քննադատել է Էրդողանին թուրքական մամուլի գրաքննության համար

Հասարակական08:07, 29 Հոկտեմբեր 2015

Ամերիկացի պոռնոաստղը քննադատել է Էրդողանին թուրքական մամուլի գրաքննության համար

Ամերիկացի պոռնոաստղ և մոդել Ստոյան քննադատել է թուրքական մամուլի նկատմամբ կիրառվող ճնշումները: Ըստ թուրքական «diken.com.tr» լրատվակայքի՝ Ստոյան նշել է, որ նախագահ Ռեջեփ Թայիփ Էրդողանի մասին ճշմարտությունն ասող լրագրողները փորձանքի մեջ են ընկնում:

Twitter միկրոբլոգում Ստոյայի մի հետևորդ գրառում է արել. «Թուրքական կառավարությունն արգելափակել է գրեթե բոլոր պոռնոկայքերը: Մենք կարիք ունենք, որ դու այս մասին տեղեկացնես աշխարհին: Խնդրում եմ, գրիր #medyamadokunma («մի դիպչիր իմ մեդիային»):

Ամերիկացի պոռնոաստղը կիսվել է այս գրառմամբ և մեկնաբանել. «Ինչպես երևում է՝ պոռնոկայքերի արգելափակումն այս պահին թուրքական մամուլի նկատմամբ կիրառվող գրաքննության առաջացրած ամենափոքր խնդիրն է: Այն հանգամանքը, որ Էրդողանի մասին ճշմարտությունն ասող լրագրողները փորձանքի մեջ են ընկնում, էրոտիկ բովանդակությամբ մեդիայի արգելափակումից ավելի մեծ խնդիր է»: