Թուրքիայի խորհրդարանական ընտրությունների նախնական արդյունքները (ԹԱՐՄԱՑՎԱԾ)

Հասարակական17:28, 01 Նոյեմբեր 2015

Թուրքիայի խորհրդարանական ընտրությունների նախնական արդյունքները (ԹԱՐՄԱՑՎԱԾ)

Արդեն հրապարակվում են Թուրքիայի Հանրապետության 26-րդ գումարման խորհրդարանի արտահերթ ընտրությունների նախնական արդյունքները:

Հայտնի է դարձել, որ ընտրություններին մասնակցել է 54 մլն 49 հզ 940 քվեարկության իրավունք ունեցող քաղաքացի: Առայժմ բացվել է քվեատուփերի 78 տոկոսը ու, նախնական արդյունքների համաձայն, ընտրապայքարի մեջ գտնվող ներքոնշյալ կուսակցությունները ստացել են տոկոսային հարաբերությամբ հետևյալ քանակի քվեներ:

Իշխանական «Արդարություն և զարգացում» կուսակցություն (ԱԶԿ-AKP) – 49.05 տոկոս (310 պատգամավոր)

Ընդդիմադիր «Ժողովրդահանրապետական» կուսակցություն (ԺՀԿ-CHP) – 25.55 տոկոս (135 պատգամավոր)

Ընդդիմադիր «Ազգայնական շարժում կուսակցություն» (ԱՇԿ-MHP) – 12.21 տոկոս (45 պատգամավոր)

Քրդամետ «Ժողովուրդների դեմոկրատական կուսակցություն» (ԺԴԿ-HDP) – 10.71 տոկոս (60 պատգամավոր)

Թուրքիայի ազգային մեծ ժողովը (ԹԱՄԺ-TBMM) միապալատ խորհրդարան է՝ կազմված 550 պատգամավորական աթոռից: Միակուսակցական կառավարություն կազմելու համար հավակնորդ քաղաքական ուժին անհրաժեշտ է խորհրդարանում ունենալ առնվազն 276 պատգամավոր:

Հիշեցնենք, որ հունիսի 7-ին կայացած խորհրդարանական ընտրությունների արդյունքում ԱԶԿ-ն ստացել է 40.86 տոկոս (258 պատգամավոր) ու դա բավարարա չէր եղել միակուսակցական կառավարություն ձևավորելու համար:

02. 11. 2015

10:20

Թուրքական «Anadolu» գործակալության հայտնած ոչ պաշտոնական տվյալների համաձայն՝ արտահերթ խորհրդարանական ընտրությունների արդյունքում նոր գումարման մեջլիսում

ԱԶԿ-ն կունենա 316,

ԺՀԿ-ն՝ 134,

ԺԴԿ-ն՝ 59,

ԱՇԿ-ն՝ 41 պատգամավոր

Աղբյուր` Ermenihaber.am