Ռուսաստանի հետ ճգնաժամից հետո Թուրքիան ծրագրում է զբոսաշրջիկներ ներգրավել այլ երկրներից

Հասարակական07:40, 10 Դեկտեմբեր 2015

Ռուսաստանի հետ ճգնաժամից հետո Թուրքիան ծրագրում է զբոսաշրջիկներ ներգրավել այլ երկրներից

Թուրքիայի զբոսաշրջության նախարարությունը զեկույց է հրապարակել, որում շարադրվել է ռուս-թուրքական հարաբերությունների լարվածության հետևանքվ սպասվելիք բացասական ազդեցությունները թուրքական զբոսաշրջային շուկայի վրա: Զեկույցում ներկայացվել է գործողությունների պլան, որն ուղղված է լինելու այդ ազդեցության նվազեցմանը:

Զեկույցում ասվում է, որ 2016 թվականին ռուս-թուրքական հարերություններում շարունակվող ճգնաժամի և ընդհանուր տնտեսական ճգնաժամի հետևանքով 40%-ով կկրճատվի Ռուսաստանից Թուրքիա մեկնող զբոսաշրջիկների թիվը նշվելով, որ այդ պակասը պետք է լրացնել այլ երկրներից լրացուցիչ զբոսաշրջիկներ ներգրավելու միջոցով: Այդ նպատակի համար առաջին պլանում են հայտնվելու Մերձավոր Արևելքն ու Իսրայելը:

Նշվում է, որ այդ երկրներից Թուրքիայի զբոսաշրջիկներ բերող տուրօպերատորներին չհարկվող ավիաուղիներ կտրամադրվեն: Ինչպես նաև նշյալ երկրներում թուրքական զբոսաշրջությունը ներկայացնող բազմաթիվ միջոցառումներ կկազմակերպվեն:

Թուրքիայի զբոսաշրջության նախարարությունը ծրագրում է նաև վառելիքի սուբսիդավորում անել 12 երկրներից Թուրքիա զբոսաշրջիկ տեղափոխող ինքնաթիռներին:

Թուրքիան չի առկախի առանց վիզայի ճամփորդական թռիչքները դեպի Ռուսաստան` չնայած այն հանգամանքին, որ Ռուսաստանի արտգործնախարար Սերգեյ Լավրովը հայտարարել է իր երկրի կողմից նույն գործընթացի առկախման մասին:

Աղբյուր` Ermenihaber.am