Թուրքիան հաղթել է Իրանի դեմ բացված գազի հարցով դատը

Իրավական13:07, 02 Փետրվար 2016

Թուրքիան հաղթել է Իրանի դեմ բացված գազի հարցով դատը

Իրանի և Թուրքիայի միջև գազի շուրջ ծագած անհամաձայնությունը լուծվել է դատական կարգով: Թուրքական «Doğan» լրատվական գործակալության տեղեկացմամբ՝ Թուրքիան հաղթել է դատական գործը: Դատարանի որոշմամբ՝ Իրանը պարտավոր է Թուրքիային վճարել 1 միլիարդ դոլար տույժ, որը կազմում է Իրանի կողմից Թուրքիային վաճառվող գազի գնի 10-15%-ը:

Իրանի ազգային գազային ընկերության գլխավոր տնօրեն և նավթային արդյունաբերության փոխնախարար Համիդ Ռըզա Իրաքին հաստատել է այս տեղեկությունը՝ նշելով, որ Անկարայի բողոքի հիման վրա Միջազգային արբիտրաժային դատարանում քննվող գազային անհամաձայնության շուրջ դատական գործի 2-րդ փուլում Իրանը պարտվել է: Փոխնախարարը նշել է, որ տուգանքի գումարի չափը դեռևս հստակեցված չէ, և դրա շուրջ բանակցություններն Անկարայի հետ շարունակվում են:

«2011 թվականից սկսած 4 տարվա ընթացքում վաճառված գազի գնի 10-15 տոկոսը տուգանք կվճարենք: Հնարավոր է, որ 1 միլիարդ դոլար տուգանք վճարենք»,-ասել է Համիդ Ռըզա Իրաքին:

Ըստ նրա՝ դատական գործը 2 փուլով է ընթացել, առաջինը վերաբերել է մատակարարվող գազի ծավալներին, որը հաղթել է իրանական կողմը, իսկ գազի գներին վերաբերող 2-րդ փուլում հաղթել է Թուրքիան:

Նշենք, որ Իրանը Ռուսաստանից հետո 2-րդն է Թուրքիային գազ մատակարարողների շարքում: Իրանը Թուրքիային տարեկան վաճառում է 10 միլիարդ խմ գազ:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։