Թուրքի պես սուտ եք խոսում. սկանդալ մակեդոնական հեռուստաալիքի եթերում

Հասարակական13:39, 11 Փետրվար 2016

Թուրքի պես սուտ եք խոսում. սկանդալ մակեդոնական հեռուստաալիքի եթերում

Մակեդոնական «Sitel» հեռուստաընկերության լուրերի խմբագիր և հաղորդավար Դրագան Պավլովիչ Լատասը, ուղիղ եթերթում դիմելով ընդդիմության առաջնորդ Զորան Զաևին, ասել է. «Թուրքի պես սուտ եք խոսում»:

Միջադեպը տեղի է ունեցել լրատվական հաղորդման ժամանակ, երբ Զաևը հյուրընկալվել է հայտնի հաղորդավարին:

Ըստ թուրքական «Milliyet» թերթի կայքի` միջադեպը հարուցել է թուրքական կուսակցությունների ու հասարակական կազմակերպությունների զայրույթն ու բողոքը, ինչից հետո էլ հաղորդավարը թուրքերից ու Թուրքիայից հրապարակավ ներողություն է խնդրել:

Աղբյուրի հաղորդմամբ` միջադեպի առիթով հայտարարություն է տարածել Մակեդոնիայում Թորքիայի դեսպան Օմեր Շյոլենդիլը՝ քննադատելով հաղորդավարին: Դեսպանը նշել է, որ ներողությունը չի կարող փոխհատուցում լինել թուրքերին ուղղված այդ վիրավորական արտահայտության համար:

Աղբյուր` Ermenihaber.am