Թուրքիայի հայկական համայնքները միավորող մշակութային միության համագումար

Հասարակական07:38, 19 Փետրվար 2016

Թուրքիայի հայկական համայնքները միավորող մշակութային միության համագումար

«Սասունի, Բիթլիսի, Մուշի, Վանի և Ստամբուլի հայերի սոցիալական օգնության, համերաշխության մշակութային միությանը» գումարած համագումարի ժամանակ միության ղեկավար Ազիզ Դաղջըն վերընտրվել է իր պաշտոնում:

Ըստ թուրքական «Milliyet» թերթի կայքի` նախորդ շաբաթ գումարված համագումարի մասին տեղեկացրել է Ազիզ Դաղջըն` տարածելով գրավոր հայտարարություն:

Հայտարարության մեջ նշվում է, որ միությունը շարունակում է աշխատանքները և այս տարվա առաջնային խնդիրը լինելու է Մուշի Յուքարը Յոնգալը գյուղի Սուրբ Կարապետ հայկական վանքի տարածքը հարակից շինություններից ազատելը, որպեսզի հնարավորր լինի սկսել վանքի վերականգնման աշխատանքները: Վանքի տարածքում կա 48 կացարան և 6 խոտամբար:

Սբ Կարապետի վանքապատկան տարածքում նման շինությունների առկայությունը Ազիզ Դաղջըն վիրավորական է հայկական համայնքի համար:

«Այս խնդրով մենք ավելի վաղ դիմել ենք տարբեր նախարարությունների ու Թուրքիաի խորհրդարանին: Մեր դիմումներին պատասխան է տրվել: Հույս ունենք, որ այս տարի վանքը կազատվի դրանցից: Հետո արդեն կարճ ժամանակում կսկսենք վերականգնման աշխատանքները»,- ասվում է Դաղջըի տարածած հայտարարության մեջ:

Աղբյուր` Ermenihaber.am