Twitter- ում ամենաշատ անձնական հաշիվները «սառեցվել» են Թուրքիայի պահանջով

Հասարակական08:03, 26 Փետրվար 2016

Twitter- ում ամենաշատ անձնական հաշիվները «սառեցվել» են Թուրքիայի պահանջով

2015 թվականի 2-րդ կիսամյակի ընթացքում «Twitter» միկրոբլոգի կողմից «սառեցված» 432 անձնական հաշիվներից 414-ը փակվել է Թուրքիայի պահանջով: Թուրքիային հաջորդում է Ռուսաստանը` 14 փակված հաշվով:

Այս մասին գրում է թուրքական «Mynet.com» լրատվական կայքը` հղում անելով «Twitter»-ի հրապարակած «Թափանցիկության զեկույց»-ին, որը ներառում է 2015-ի հուլիսի 1-ից դեկտեմբերի 31-ն ընկած ժամանակահատվածը:

Անձնական հաշիվներ «սառեցնելու» պահանջով Թուրքիան նույնպես առաջինն է` գրանցված պահանջների 72 տոկոսով: Պահանջների ընդհանուր քանակը կազմել է 11.092, որից 8.092-ը ստացվել է Թուրքիայից:

Զեկույցից պարզ է դարձել նաև, Թուրքիայից ստացված պահանջներից 1761-ը կատարվել է պետական մարմինների կողմից: Այս ցուցանիշով 2-րդը Ռուսաստանն է` պետական մարմիններից ստացված 1729 պահանջով:

Թուրքիան 403 անձնական հաշվի մասին տեղեկատվություն է պահանջել «Twitter»-ից, սակայն որևէ դրական պատասխան չի ստացել այս հարցով:

Նշվում է նաև, որ խնդրո առարկա ժամանակահատվածում Թուրքիաի պահանջով «սառեցված» 414 հաշվից բացի 14 հաշիվ «սառեցվել» է Ռուսաստանի, 2-ը` Ֆրանսիայի, 1-ը` Գերմանիայի, 1-ն էլ` Բրազիլիայի պահանջով:

Աղբյուր` Ermenihaber.am