Թուրք պոետը ներում է խնդրում Ռուսաստանից՝ խոցված ինքնաթիռի համար (տեսանյութ)

Հասարակական10:02, 10 Մարտ 2016

Թուրք պոետը ներում է խնդրում Ռուսաստանից՝ խոցված ինքնաթիռի համար (տեսանյութ)

Թուրք բանաստեղծ Հուսեին Հայդարը «Ներողություն եմ խնդրում ռուս ժողովրդից» վերնագրով մի բանաստեղծություն է ձոնել Ռուսաստանին և թուրքական օդուժի կողմից խոցված ռուսական ռազմական ինքնաթիռի սպանված օդաչու Օլեգ Պեշկովին:

Բանաստեղծությունը, անձամբ հեղինակի ընթերցմամբ, տեղադրվել է Youtube.com կայքում: Ստորև ներկայացնում ենք բանաստեղծության թարգմանությունը՝ մասնակի կրճատումներով.

Ես՝ մի թուրք բանաստեղծ Հուսեին Հայդարս,
Անբարո գործերի, մութ արարքների ականատես-վկան:
Հանցավորների պատասխանի ժամը դեռ կգա, սակայն
Մեղավորը ես եմ այսօր, ես եմ ոճիրի վկան:
Չկանխեցի, թեև կարող էի կանխել ես այն:

Ես՝ թուրք հեղափոխական Հուսեին Հայդարս,
Ներում եմ խնդրում ռուս ազգի յուրաքանչյուր անդամից,
Մայակովսկուց և Գորկուց, ֆաշիստների վերջը տված Իվանից,
Հայրենական պատերազմի ամեն մի հերոսից,
Մեր ու մանուկից, բոլոր զինվորներից,
23 միլիոն 100 հազար զոհերից ու Գագարինից,
Եվ հեղափոխական ռուս գյուղացուց ներում եմ խնդրում:

Ես՝ Հուսեին Հայդարս, մի թուրք բանաստեղծ,
Կանգնելով այսպես՝ արևահայաց:
Ներում եմ խնդրում ռուս ազգից մեծ
Ու ծնկի իջնում Պեշկովի մոր առաջ:

Տեսանյութը՝ այստեղ

Աղբյուր` Ermenihaber.am