Թուրքիայի խոհրդարանում կրկին ծեծկռտուք է. թիրախում Գարո Փայլանն է (տեսանյութ)

Հասարակական07:41, 03 Մայիս 2016

Թուրքիայի խոհրդարանում կրկին ծեծկռտուք է. թիրախում Գարո Փայլանն է (տեսանյութ)

Թուրքիայի խորհրդարանի սահմանադրական հանձնաժողովում, որտեղ քննարկվում էր որոշ պատգամավորների անձեռնամխելիության հարցը, կրկին վեճ է բռնկվել ընդդիմադիր քրդամետ «Ժողովուրդների դեմոկրատական կուսակցության» (ԺԴԿ - HDP) և իշխող «Արդարություն և զարգացում» կուսակցության (ԱԶԿ -AKP) ներկայացուցիչների միջև:

Թուրքական «Superhaber» լրատվական կայքը հայտնում է, որ նիստի ժամանակ ելույթ է ունեցել Թուրքիայի արդարադատության նախարար Բեքիր Բոզդաղը, որը խոսել է ապրիլի 28-ի նիստի ժամանակ տեղի ունեցած ծեծկռտուքում ԺԴԿ-ական պատգամավորների դերակատարությունից: Նախարարի այս դիտարկմանը հակադարձել է ԺԴԿ-ն ներկայացնող պոլսահայ պատգամավոր Գարո Փայլանը՝ ասելով, որ նրանք միջադեպին չեն խառնվել:

Փայլանը այս խոսքերից հետո հայտնվել է ԱԶԿ-ական պատգամավորների հարձակման թիրախում: Վեճի ընթացքում պատգամավորները իրար վրա շշեր են նետել, բռնվել են ձեռնամարտի, ինչի պատճառով հանձնաժողովի նիստը հետաձգվել է:

Հիշեցնենք, որ ապրիլի 28-ին սահմանադրական հանձնաժողովի նիստի ժամանակ վեճ և ծեծկռտուք էր տեղի ունեցել, որի կիզակետում էր հայտնվել նաև Գարո Փայլանը:

Դիտել տեսանյութը

Աղբյուր` Ermenihaber.am