Ադրբեջանը, Հայաստանն ու Թուրքիան ամենաանհանդուրժողն են սեռական փոքրամասնությունների հանդեպ

Հասարակական11:13, 12 Մայիս 2016

Ադրբեջանը, Հայաստանն ու Թուրքիան ամենաանհանդուրժողն են սեռական փոքրամասնությունների հանդեպ

Հայտնի են դարձել ԼԳԲՏ անձանց իրավունքների պաշտպանվածության տեսանկյունից ամենաապահով և անապահով երկրները: Թուրքական «Milliyet» թերթի կայքի տեղեկացմամբ՝ ԼԳԲՏ անձանց (սեռական փոքրամասնությունների) իրավունքների պաշտպանությամբ զբաղվող «ILGA-Europe» ընկերությունը այս ուղղությամբ հատուկ ուսումնասիրություն է անցկացրել: Ուսումնասիրության ժամանակ հաշվի են առնվել ինչպես տարբեր երկրներում ԼԳԲՏ անձանց իրավական հավասարության ապահովման պայմաններն ու մակարդակը, այնպես էլ նրանց նկատմամբ ատելության դրսևորումները, խնդրի վերաբերյալ պետությունների որդեգրած քաղաքականությունը:

49 երկրում անցկացված ուսումնասիրությունը ցույց է տվել, որ սեռական փոքրամասնությունների համար ամենաանապահով երկիրը Ադրբեջանն է: Այստեղ ԼԳԲՏ անձանց իրավունքների պաշտպանվածության մակարդակը կազմում է ընդամենը 5 տոկոս: Երկրորդ տեղում Ռուսաստանն ու Հայաստանն են՝ 7 տոկոս ցուցանիշով, նրանց հաջորդում է Թուրքիան (9 տոկոս ): Սեռական փոքրամասնությունների համար ամենաբարենպաստ երկրները Անգլիան, Մալթան և Բելգիան են, որտեղ նրանց իրավունքների պաշտպանվածության մակարդակը անցնում է 80 տոկոսի սահմանը:

Աղբյուր` Ermenihaber.am