Երիտասարդությունը կազմում է Թուրքիայի բնակչության 16.4 տոկոսը

Հասարակական09:32, 17 Մայիս 2016

Երիտասարդությունը կազմում է Թուրքիայի բնակչության 16.4 տոկոսը

Թուրքական «trthaber» լրատվական կայքը, հղում անելով Թուրքիայի վիճակագրական ծառայության (TÜİK) ներկայացրած տվյալներին, նշում է, որ երիտասարդությունը կազմում է Թուրքիայի ընդհանուր բնակչության 16.4 տոկոսը:

Երիտասարդ տարիքային խմբում են դասակարգվում 15-24 տարեկան մարդիկ: 2015 թվականի դրությամբ Թուրքիայում ապրում է 12 մլն 899.667 երիտասարդ: Նրանց 51.2 տոկոսն արական սեռի ներկայացուցիչ են, 48.8 տոկոսը` իգական:

Երիտասարդ բնակչության ամենաբարձր ցուցանիշը գրանցվել է Թուրքիայի սահմանամերձ Հաքքարի քաղաքում (26,6%): Այնուհետև նշյալ ցուցանիշով հաջորդում է Սիիրթ քաղաքը (23%):

Երիտասարդ բնակչության ցուցանիշով ցածր արդյունք են գրանցել Թուրքիայի Իզմիր (պատմ. Զմյուռնիա) Մուղլա և Սինոփ քաղաքները (13.3%, 13.8 %):

Երիտասարների արտագաղթի բարձր միտումներ են նկատվել Թուրքիայի հատկապես սևոծովյան տարածաշրջանի Քարաբյուք նահանգում: Միջին տվյալներով այնտեղ 1000 երիտասարդից 76-ն արտագաղթել է: Երիտասարդության արտագաղթի միտումներ են գրանցվել նաև Թուրքիայի Յոզգաթ, Մուշ և Իգդիր քաղաքներում:

Աղբյուր` Ermenihaber.am