Թուրքերը Գերմանիայում հիմնելու են իրենց 2-րդ կուսակցությունը

Հասարակական12:19, 14 Հունիս 2016

Թուրքերը Գերմանիայում հիմնելու են իրենց 2-րդ կուսակցությունը

Գերմանաբնակ թուրքերը հայտարարել են, որ նոր կուսակցություն են հիմնում: Նոր կուսակցության հիմնադիրն է բեռլինաբնակ թուրք գործարար Ռեմզի Արուն, որը բավականին ճանաչված է Գերմանիայի թուրքերի շրջանում:

Թուրքական «arti49» լրատվական կայքը հայտնում է, որ Գերմանիայի քաղաքացի թուրքերին և մահմեդական այլ ազգություններին ներկայացնող կուսակցություն հիմնելու գաղափարն առաջացել է, երբ հունիսի 2-ին Բունդեսթագում ձայների մեծամասնությամբ ընդունվեց Հայոց ցեղասպանությունը ճանաչող բանաձևը, որին կողմ քվեարկեցին նաև ազգությամբ թուրք պատգամավորները:

Աղբյուրը հայտնում է, որ սա կլինի գերմանացի թուրքերի 2-րդ կուսակցությունը: Առաջինը՝ «Նորարարության եւ արդարության միություն» կուսակցությունը (Bundnis für Innovation & Gerechtigkeit` BIG), ստեղծվել է 2010 թվականին, բայց լայն ճանաչում չի ստացել:

Կուսակցությունը 2013 և 2014թթ մասնակցել է նահանգային ընտրություններին, իսկ 2014-ին՝ խորհրդարանական ընտրություններին, որի ժամանակ ստացած ձայները չեն անցել 1 տոկոսի շեմը: Չնայած թուրքական կուսակցությանը չէր հաջողվել մտնել Բունդեսթագ, այնուամենայնիվ, գրավել էր գերմանական մամուլի ուշադրությունը՝ որակվելով, որպես Թուրքիայի իշխող «Արդարություն և զարգացում» կուսակցության մասնաճյուղ:

Աղբյուր` Ermenihaber.am