Թուրքիայում բնակվող 13-ամյա պատանին ցանկանում է լրացնել ահաբեկիչների շարքերը

Հասարակական18:15, 04 Հուլիս 2016

Թուրքիայում բնակվող 13-ամյա պատանին ցանկանում է լրացնել ահաբեկիչների շարքերը

Բրիտանական «BBC» լրատվական ծառայության թղթակիցը զրուցել է Թուրքիայում բնակվող 13-ամյա Էբու Հաթթաբ անունով սիրիացի մի երեխայի հետ, որը ցանկանում է անդամակցել «Իսլամական պետություն» ահաբեկչական կազմակերպությանը: Ինչպես իրազեկում է թուրքական «Birgun» թերթի կայքը, հարցազրույցը տեղի է ունեցել հենց Հաթթաբի տանը, իսկ վերջինս եղել է դիմակով:

Նա, պատմել է, որ միշտ դիտում է «ԻՊ»-ի հրապարակած տեսանյութերը և FB-ի միջոցով զրուցում է «ԻՊ»-ի զինյալների հետ: Ասել է, որ առաջիկայում գնալու է Սիրիայի Ռաքքա քաղաք, որպեսզի մասնակցի «ԻՊ»-ի գործողություններին: Նա նույնիսկ թղթակցին ցուցադրել է իրեն պատկանող զենքերը, որոնք պահում է տանը:

Այն հարցին, թե ինչու մյուս երեխաների նման չի վայելում իր մանկությունը, պատասխանել է, թե ցանկություն չունի նմանվել իր հասակակիցներին: Ըստ նրա` այն ճանապարհը, որն ինքը այժմ ընտրել է ճշմարիտ է:

Նրան հարցրել են նաև, թե արդյոք հարձակում կիրականացներ Անգլիայում կամ Թուրքիայում:

«Անգլիային հարվածելը անհրաժեշտություն է, քանզի ՆԱՏՕ-ի անդամ է և ԻՊ-ի դեմ է գործում: Սակայն մենք միայն սպանում ենք նրանց, ովքեր արժանի են դրան: Եթե ինձնից պահանջեն, որ Թուրքիայում հարձակում իրականացնեմ, ապա ես դա կանեմ»,-ասել է Հաթթաբը:

Իսկ այն հարցին թե ինչ զգացում կունենա, երբ Հաթթաբը սպանվի ԻՊ-ի մարտերում, երեխայի մայրը պատախանել է. «Շատ երջանիկ կլինեմ»:

Աղբյուր` Ermenihaber.am