Էրդողանի ռուսերեն tweet-ը մեծ արձագանք է գտել համացանցում

Հասարակական07:42, 06 Հուլիս 2016

Էրդողանի ռուսերեն tweet-ը մեծ արձագանք է գտել համացանցում

Թուրքիայի նախագահ Ռեջեփ Թայիփ Էրդողանը մուսուլմանական Ռամադան տոնի առթիվ «Twitter» սոցիալական ցանցի իր հաշվից 12 լեզվով, այդ թվում և ռուսերեն, շնորհավորանք ուղերձ է հղել բոլոր իսլամադավաններին:

Ըստ թուրքական «Aktifhaber.com» լրատվական կայքի` շնորհավորանքի տեքստն ավելի քան 1500 անգամ «retweet» է արվել: Ռուսերեն տարբերակը թուրքերենից և քրդերենից հետո ամենամեծ հետաքրքրությունն է առաջացրել սոցմեդիայում:

Լրատվամիջոցն ուշադրություն է հրավիրում այն հանգամանքի վրա, որ ռուսերեն տարբերակով շնորհավորանքն տեղի է ունենում Ռուսաստանի հետ հարաբերությունների կարգավորման գործընթացի ֆոնին:

Աղբյուրը հիշեցրել է նաև սոցիալական ցանցերի մասին նախկինում Էրդողանի արած ոչ հանդուրժողական հայտարարությունները:

Մասնավորապես 2013 թվականի դեկտեմբերի 17-ին Թուրքիայում պայթած կոռուպցիոն սկանդալից հետո Թուրքիայի նախագահն ասել էր. «Դատարանի որոշում կա արդեն, «թվիթեր-վիթերները» արմատախիլ ենք անելու»:

Աղբյուր` Ermenihaber.am