ԱՄՆ-ի թուրքերը Գյուլենին Թուրքիա արտահանձնելու համար ստրոգրահավաք են սկսել

Հասարակական08:01, 30 Հուլիս 2016

ԱՄՆ-ի թուրքերը Գյուլենին Թուրքիա արտահանձնելու համար ստրոգրահավաք են սկսել

Ամերիկայի Միացյալ Նահանգներում բնակվող թուրքերը ստորագրահավաք են սկսել Էրդողանի քաղաքական հակառակորդ, ընդդիմադիր գյուլենական շարժման առաջնորդ և իսլամի հայտնի քարոզիչ Ֆեթթուլահ Գյուլենին ԱՄՆ-ից Թուրքիա արտահանձնելու համար:

Ինչպես հաղորդում է թուրքական «NTV» հեռուստալիքի լրատվական կայքը՝ ստորագրահավաքի տեքստում նշվում է, որ ԱՄՆ-ի «դաշնակից» Գյուլենը կանգնած է հուլիսի 15-ին Թուրքիայում կազմակերպված ռազմական ճանապարհով պետական հեղաշրջման փորձի ետևում, հետևաբար խիստ անհրաժեշտ է նրան արտահանձնել Թուրքիային:

Նշյալ ստորագրահավաքը տեղ է գտել Սպիտակ տան պաշտոնական կայքում՝ «ամերիկացիների պահանջներ» բաժնում: Նշվում է, որ Սպիտակ տունը միայն այն դեպքում կուսումնասիրի ԱՄՆ-ում ապրող թուրքերի պահանջը, եթե 30 օրում 100 հազար մարդու ստորագրություն հավաքվի:

Այժմ 11 օրում 77 հազար քաղաքացու ստորագրություն է հավաքվել: Իսկ ԱՄՆ-ում Գյուլենի կողմնակիցներն էլ ակցիա են սկսել Գյուլենի քաղաքական ապաստանի իրավունքի ճանաչման համար:

Աղբյուր` Ermenihaber.am