Թուրքիայում անժամկետ հացադուլ է սկսվել՝ հանուն Օջալանի

Հասարակական13:36, 08 Սեպտեմբեր 2016

Թուրքիայում անժամկետ հացադուլ է սկսվել՝ հանուն Օջալանի

Թուրքիայում շուրջ 35 քաղբանտարկալ պատրաստվում է անորոշ ժամանակով հացադուլ հայտարարել: Թուրքական «Demokrathaber» լրատվական կայքը տեղեկացնում է, որ նրանք միանում են 50 հոգուց բաղկացած քաղաքական գործիչների, արվեստագետների, փաստաբանների և լրագրողների խմբի՝ 4 օր առաջ սկսած հացադուլին: Նրանք պահանջում են Իմրալի կղզում ցմահ ազատազրկման դատապարտված քրդերի առաջնորդ Աբդուլլահ Օջալանի մասին տեղեկություն տրամադրել և նրան տեսակցելու հնարավորություն տալ:

Քաղդատապարտյալների անունից արված հայտարարության մեջ նշվում է, որ 7 բանտերում պատիժ կրող 35 քաղբանտարկալ անժամկետ հացադուլը կսկսի սեպտեմբերի 15-ին:

«Մենք տեղեկություն չունենք, թե հուլիսի 15-ին ինչ է կատարվել Իմրալի կղզում: Գիտենք, որ հեղաշրջման փորձ կատարողները ցանկացել են մեր առաջնորդին (Աբդուլահ Օջալանին-խմբ.) սպանել, սակայն դեռ չգիտենք՝ մեր առաջնորդը ողջ է, թե՝ ոչ: Այս հարցով ո՛չ կառավարությունը է կարողացել սպառիչ բացատրություն տալ, ո՛չ էլ մեր առաջնորդի ընտանիքին, փաստաբաններին կամ էլ քաղաքական պատվիրակությանն է հնարավորութուն տրվել հանդիպել նրա հետ: Այս իրավիճակը ավելի է մեծացնում մեր մտահոգությունները»:

Աղբյուր` Ermenihaber.am