Թուրքիայում փորձել են պարզել բնակչության կարծիքը «Եփրատի վահան» գործողության մասին

Հասարակական06:40, 29 Նոյեմբեր 2016

Թուրքիայում փորձել են պարզել բնակչության կարծիքը «Եփրատի վահան» գործողության մասին

«Habertürk» լրատվամիջոցը և «Andy-Ar» սոցհետազոտական կենտրոնը Թուրքիայի բնակչության շրջանում սոցհարցումներ են անցկացրել, որպեսզի պարզեն, թե մարդիկ ինչ կարծիք ունեն թուրքիական զինուժի կողմից Սիրիայի տարածքում իրականացվող «Եփրատի վահան» ռազմագործողության մասին:

Թուրքական «Borsagundem» լրատվական կայքը, հղում անելով նշյալ սոցհարցման արդյունքներին, տեղեկացնում է, որ հարցումներն իրականացվել են Թուրքիայի 26 նահանգներում, որին մասնակցել են 1.516 քաղաքացի: Ըստ այդմ` «Եփրատի վահան» գործողությանը կողմ է արտահայտվել հարցման մասնակիցների 70.5 տոկոսը, իսկ 25.2 տոկոսը՝ դեմ: Իսկ 4 տոկոսն էլ նշել են, որ տեղյակ չեն դրանից:

Նշվում է, որ հարցումը անցկացվել է Թուրքիայի իշխող «Արդարություն և զարգացում» (ԱԶԿ-AKP), ընդդիմադիր «Ժողովրդահանրապետական» (ԺՀԿ-CHP) ,«Ազգայնական շարժում» (ԱՇԿ-MHP) և«Ժողովուրդների դեմոկրատական» (ԺՀԿ-HDP) կուսակցություններին կողմնակիցների շրջանում: Պարզ է դարձել, որ «Եփրատի վահան» գործողությանը կողմ է արտահայտվել ԱԶԿ-ի կողմնակիցների 88.3 տոկոսը , ԺՀԿ-ականների 51.5 տոկոսը և ԱՇԿ-ականների 85.9 տոկոսը: Իսկ քրդամետ «Ժողովուրդների դեմոկրատական» (ԺԴԿ-HDP) կուսակցության կողմակիցների 70.2 տոկոսը դեմ է եղել այդ ռազմագործողությանը:

Աղբյուր` Ermenihaber.am