Ստամբուլում ուսուցիչը աշակերտներից պահանջել է կախաղանի պարանով լուսանկարվել

Հասարակական07:05, 14 Դեկտեմբեր 2016

Ստամբուլում ուսուցիչը աշակերտներից պահանջել է կախաղանի պարանով լուսանկարվել

Ստամբուլի դպրոցներից մեկի ուսուցիչն աշակերտներից պահանջել է, որ վերջիններս կախաղանի պարանով լուսանկարվեն: Ըստ թուրքական «Demokrathaber» լրատվամիջոցի` այնուհետև նշյալ լուսանկարը ուսուցիչը տեղադրել է «Facebook» սոցցացնում` «Նախագահ, արդարություն ենք պահանջում» գրառումով:

Նշյալ լուսանկարի հրապարակման հետ կապված «Twitter» սոցցանցում արձագանքել է Թուրքիայի ընդդիմադիր քեմալական «Ժողովրդահանրապետական կուսակցության» (ԺՀԿ-CHP) Իզմիրի պատգամավոր Թունջայ Օզքանը:

Վերջինս նշել է, որ ցանկացած մարդ, ով երեխաներին խառնում է «կեղտոտ քաղաքականության» մեջ, պետք է պատասխանատվության ենթարկվի: Նա կոչ է արել երեխաների ընտանիքներին, որ նրանք դատական գործ բացեն ուսուցչի դեմ, որին ինքը նույնպես կմիանա:

Նշվում է նաև, որ Էրեքմենը իր էջում ևս մեկ լուսանկար է հրապարակել, որտեղ 10-ամյա երեխան իր ձեռքում է պահում ատրճանակ: Նշյալ նկարը վերնագրված է եղել հետևյալ կերպ. «Պատրաստ ենք նոր Թուրքիային»:

Դպրոցի ղեկավարությունը հայտնել է, որ դեպքի հետ կապված հետաքննություն է սկսվել:

Աղբյուր` Ermenihaber.am