Թուրքիայում փակվել է ալևիական հեռուստաալիք՝ Էրդողանին վիրավորելու մեղադրանքով

Հասարակական07:30, 23 Դեկտեմբեր 2016

Թուրքիայում փակվել է ալևիական հեռուստաալիք՝ Էրդողանին վիրավորելու մեղադրանքով

Թուրքիայի ռադիո-հեռուստատեսության գերագույն խորհրդի (RTÜK) որոշմամբ` դադարեցվել է ալևիական «Yol TV» հեռուստաալիքի հեռարձակումը:

Ինչպես հայտնում է թուրքական «Birgun» թերթի լրատվական կայքը, փակման պատճառաբանությունն այն է, որ մի քանի հաղորդումների ժամանակ վիրավորանք է հասցվել Թուրքիայի նախագահ Ռեջեփ Թայիփ Էրդողանին: Բացի այդ «Yol TV»-ն մեղադրվում է «հանրությանըխտրականության դրդելու, ինչպես նաև ահաբեկչական կազմակերպությանը գովաբանող հեռարձակումներ իրականացնելու» մեջ:

Թուրքական «Demokrathaber» լրատվական կայքն էլ տեղեկացնում է, որ «Yol TV»-ն ստեղծվել է Եվրոպայի ալևիական միությունների դաշնության կողմից: Վերջինիս կենտրոնը գտնվում է Գերմանիայում:

Նշվում է նաև, որ հեռուստաալիքի հիմնադիրներից և Թուրքիայի քրդամետ «Ժողովուրդների դեմոկրատական կուսակցության» (ԺԴԿ-HDP) անդամ Թուրգութ Օքերը ձերբակալվել էր «Էրդողանին վիրավորանք հասցնելու» մեղադրանքով: Իսկ ավելի վաղ Թուրքիայում փակվել էր ալևիների «TV 10» հեռւուստաալիքը:

Աղբյուր` Ermenihaber.am