Թուրքիայի բնակչության 62%-ը կողմ է սահամանդրական փոփոխություններին

Հասարակական10:43, 26 Հունվար 2017

Թուրքիայի բնակչության 62%-ը կողմ է սահամանդրական փոփոխություններին

Թուրքիան պատրաստվում է սահմանադրական փոփոխությունների հանրաքվեին: Խորհրդարանի հավանությանն արժանացած փոփոխությունների նախագիծը ներառում է կառավարման համակարգի փոփոխությունը` հանրապետականից անցում նախագահականի:

Հանրաքվեին ընդառաջ հետազոտական ընկերությունները սկսել են սոցհարցումներ անցկացնել՝ պարզելու բնակչության դիրքորոշումը:

Թուրքական իշխանամետ «Sabah» թերթ ներկայացրել է «ORC» հետազոտական կենտրոնի՝ 36 նահանգում անցկացրած սոցհարցման տվյալները, համաձայն որոնց հարցմանը մասնակցած 2.340 քաղաքացիներից 62%-ը պատրաստվում է «այո» ասել հանրաքվեին: Սահմանադրական փոփոխություններին դեմ է 38%-ը:

Հետազոտազական կենտրոնը հարցման արդյունքները ներկայացրել է նաև ըստ նահանգների, և թե ինչպես են քվեարկելու տարբեր կուսակցությունների ընտրողները:

Իշխող «Արդարություն և զարգացում կուսակցության» (AKP-ԱԶԿ) ընտրազանգվածի 96%-ը կողմ է, 4%-ը` դեմ:

Սահմանադրական փոփոխությունների կողմնակից ընդդիմադիր «Ազգայնական շարժում կուսակցության» (MHP-ԱՇԿ) ընտրողների 56%-ը «այո» կասի, 34%-ը` «ոչ»:

Գլխավոր ընդդիմադիր և փոփոխությունների գլխավոր ընդդիմախոս «Ժողովրդահանրապետակն կուսակցության» (CHP-ԺՀԿ) ընտրողների 6.3%-ը կողմ է, 93.7%-ը դեմ:

Քրդամետ «Ժողովուրդների դեմոկրատական կուսակցության» (HDP-ԺԴԿ) կողմնակիցներից 3.3%-ը կողմ է, 96.7%-ը` դեմ:

Աղբյուր` Ermenihaber.am