Թուրքիայի որոշ քաղաքացիների համար Ռուսաստանը կդյուրացնի վիզային ռեժիմը

Հասարակական12:18, 09 Փետրվար 2017

Թուրքիայի որոշ քաղաքացիների համար Ռուսաստանը կդյուրացնի վիզային ռեժիմը

Ռուսաստանի Դաշնության (ՌԴ) արտգործնախարարության եվրոպական չորրորդ դեպարտամենտի տնօրեն Ալեքսանդր Բոցան–Խարչենկոն հայտարարել է, որ թուրք գործարարների, ինչպես նաև Թուրքիայի որոշ քաղաքացիների համար հավանաբար կհեշտացվի ռուսական վիզայի տրամադրումը:

«Փետրվարի 9-ին ծրագրում ենք թուրքական կողմից հետ մանրամասն քննարկումներ անցկացնել հյուպատոսարանի հարցերի շուրջ: Առանցքային հարցերից մեկը լինելու է Թուրքիայի որոշ քաղաքացիների համար վիզային ռեժիմի դյուրացումը: Առաջին հերթին խոսքը գնում է որոշ գործարարների մասին: Ծրագրվում են որոշ հեշտացումներ, որոնք կապված են երկկողմ տնտեսական կապերն ավելի ակտիվացնելու անհրաժեշտության հետ»,- ըստ թուրքական «Haberler» լրատվակայքի`նշել է Խարչենկոն

Նա նաև նշել է, որ խոսքը չի գնում Թուրքիայի և Ռուսաստանի միջև առանց վիզային ռեժիմին վերադառնալու մասին: Ըստ նրա՝ նման բան առաջիկայում դեռ չի սպասվում, բայց միևնույն ժամանակ ճիշտ չի լինի ասել, որ Թուրքիան և Ռուսաստանը երբեք չեն չեղարկի գոյություն ունեցող վիզային ռեժիմը:

Աղբյուր` Ermenihaber.am