Թուրքիայում գործազուրկ է ավելի քան 3 միլիոն մարդ

Հասարակական08:09, 15 Մարտ 2017

Թուրքիայում գործազուրկ է ավելի քան 3 միլիոն մարդ

Թուրքիայում գործազրկությունը հասել է 12.7%-ի՝ գրանցելով վերջին 7 տարիների ամենաբարձր ցուցանիշը:

Թուրքական «Demokrathaber» լրատվական կայքը, մեջբերելով Թուրքիայի վիճակագրական ծառայության տվյալները, գրում է, որ 15 և բարձր տարիքային խմբերում գործազուրկների թիվը 2016թ դեկտեմբերի դրությամբ նախորդ տարվա նույն ժամանակահատվածի համեմատ ավելացել է 668 հազար մարդով՝ կազմելով 3 մլն. 872 հազ մարդ: Այդպիսով՝ գործազրկության տոկոսն ավելացել է 1.9%-ով՝ հասնելով 12.7%-ի:

Զբաղվածության մակարդակը 2016 դեկտեմբերի տվյալներով կազմել է 45.1%: Այս ցույցանիշը նախորդ տարվա համեմատ նվազել է 0.3%-ով, իսկ զբաղվածություն ունեցողների թիվն այդ ժամանակահատվածում ավելացել է 221 հազարով՝ կազմելով 26 մլն 669 հազար մարդ:

Աշխատուժը, քննարկվող ժամանակաշրջանում կազմել է 51.6 տոկոս: Նախորդ տարվա համեմատ 2016թ դեկտեմբերի դրությամբ աշխատուժն ավելացել է 0.7%-ով, որը կազմում է 888 հազար մարդ՝ այդպիսով՝ ընդհանուր թիվը հասել է 30 մլն 540 հազար մարդու:

Աղբյուր` Ermenihaber.am