15-24 տարիքիային խմբի քաղաքացիները կազմում են Թուրքիայի բնակչության 16.3 տոկոսը

Հասարակական09:45, 17 Մայիս 2017

15-24 տարիքիային խմբի քաղաքացիները կազմում են Թուրքիայի բնակչության 16.3 տոկոսը

Թուրքիայի վիճակագրական ընկերությունը (ԹՎԸ-TÜİK) ուշագրավ տեղեկություններ է հրապարակել երկրի երիտասարդ բնակչության թվակազմի վերաբերյալ:

Թուրքական «Hürriyet» թերթի կայքի տեղեկացմամբ՝ TÜİK-ի պատրաստած զեկույցում արձանագրվել է, որ 15-24 տարիքային խմբում գտնվող քաղաքացիները կազմում են Թուրքիայի բնակչության 16.3 տոկոսը:

Ներկայացվել է Թուրքիայի բոլոր 81 նահանգների երիտասարդ բնակչության թիվն ու նահանգի ընդհանուր բնակչության թվի նկատմամբ ունեցած տոկոսային հարաբերությունը:

Ըստ այդմ՝ ամենամեծ թվով երիտասարդներ բնակվում են Հաքքարի նահանգում. 15-24 տարիքային խմբին է պատկանում այս նահանգի բնակչության 25.45 տոկոսը (68.183 քաղաքացի): Իսկ ամենաքիչ թվով երիտասարդներ են բնակվում Մուղլա նահանգում. որտեղ նրանք կազմում են նահանգի բնակչության 13.18 տոկոսը (121.842 քաղաքացի):

Նահանգի բնակչության թվի համեմատ մեծ թվով երիտասարդներ են բնակվում նաև Շըրնաք (115.677 երիտասարդ - 23.91 տոկոս), Սիիրթ (74.510 երիտասարդ - 23.09 տոկոս), Բայբուրթ (20.231 երիտասարդ - 22.44 տոկոս), Աղրը (120.092 երիտասարդ - 22.14 տոկոս) նահանգներում:

Աղբյուր` Ermenihaber.am