Թուրքիայի մասին սկանդալային ծաղրանկարներ են տեղ գտել հոլանդական դասագրքերում

Հասարակական10:41, 10 Մայիս 2018

Թուրքիայի մասին սկանդալային ծաղրանկարներ են տեղ գտել հոլանդական դասագրքերում

Հոլանդական «Malmberg» հրատարակչությանը պատկանող դասագրքերից մեկում Թուրքիայի վերաբերյալ սկանդալային ծաղրանկարներ են նկատվել, որը բարկացրել է Հոլանդիայի թուրքերին։

Դասագրքում պատկերված է եղել երկու տղամարդու ծաղրանկար։

Մեհրան անունով տղամարդու ծաղրանկարի տակ գրված է.«Ես քուրդ եմ, թուրքական ոստիկանությունն ատում է քրդերին։ Նրանք մեզ, առանց պատճառի կալանավորելով, տանջանքների են ենթարկում»։

Իսկ մյուս ծաղրանկարում պատկերված է մեկ այլ տղամարդ՝ Մեհմեթ անունով։ Վերջինիս ծաղրանկարի տակ գրված է. «Իզմիրում հողատարածք էի գնել։ Այնտեղ կառուցելու էինք մեր նոր տունը։ Սակայն ես չստացա շինարարությունը սկսելու թույլտվություն։ Դրանից հետո գնած հողատարածքս վաճառեցի։ Այժմ քաղաքապետը իմ վաճառած հողատարածքում տուն է կառուցում»։

Թուրքական աղբյուրը պնդում է, թե սրանով փորձ է արվել ցույց տալ, թե ինչու Թուրքիան Եվրամիության անդամ չի կարող դառնալ։

Դասագրքերի ծաղրանկարները մեծ դժգոհություն են առաջացրել Հոլանդիայի թուրքերի շրջանում։

Աղբյուր` Mynet