Սոցցանցում գրառում կատարելու համար Թուրքիայում հայ կին է կալանավորվել

Հասարակական09:03, 21 Մայիս 2018

Սոցցանցում գրառում կատարելու համար Թուրքիայում հայ կին է կալանավորվել

Թուրք ակտիվիստ, նախկին ուսուցչուհի Աջուն Քարադաղը «Twitter»-ի իր էջում տեղեկացրել է, որ սոցցանցում գրառում կատարելու համար կալանավորվել է Ռոզերին Զերին, ով ազգությամբ հայ է։

«Նա կալանավորվել է Twitter-ում գրառում կատարելու համար։ Հիվանդ երեխա ունեցող մայր է։ Ամոթ Ձեզ։ Մի գրառմամբ ինչպե՞ս եք եզրակացնում, որ նա հանցանք է գործել։ Ի՞նչ եք ուզում սրանով անել։ Բավական է արդեն»,-գրել է Քարադաղը։ Զերին կալանավորվել է թուրքական իշխանություններին քննադատելու համար:

Քարադաղը նախկինում դասավանդել է Թուրքիայի Դերսիմ շրջանի դպրոցներից մեկում։ 2016թ. Թուրքիայում տեղի ունեցած ռազմական հեղաշրջման փորձից հետո նրան աշխատանքից հեռացրել են։

Իսկ Զերիի Facebook-ի լուսանկարներից երևում է, որ նա քաղհասարակության ակտիվիստ է, Ստամբուլում մասնակցել է բողոքի մի շարք միջոցառումների, որոնց ժամանակ կոչ է արվել ազատ արձակել Թուրքիայում ձերբակալված լրագրողներին, ակտիվիստներին և այլ ոլորտի մարդկանց։

Լուսանկարը վերցված է Զերիի Facebook-ի էջից:

Rozerin Zeri. Tweet paylaşımları gerekçe gösterilerek tutuklandı bugün. Çocuğu hasta olan bir anne. Rezillik bu. Bir insan tweetle nasıl bir suç işlemiş olabilir? Nedir bu telaşınız? Tertemiz bir kadın. Ne yapmak istiyorsunuz? Artık yeter be! pic.twitter.com/89ZgZ6nueQ
— Acun Karadağ (@acun_karadag) May 18, 2018