Թուրքիայի բնակչության 4․2 տոկոսը սիրիացիներ են

Հասարակական07:25, 06 Հունիս 2018

Թուրքիայի բնակչության 4․2 տոկոսը սիրիացիներ են

Սիրիացի փախստականները կազմում են Թուրքիայի բնակչության 4.2 տոկոսը։ Թուրքիայի ներքին գործերի նախարարության միգրացիայի վերահսկման վարչության հրապարակած տվյալների համաձայն՝ ամենից շատ սիրիացիներ են բնակվում Ստամբուլում, իսկ Քիլիսում սիրիացի փախստականները թվով գերազանցում են տեղի բնակչությանը։

Եթե 2012թ․ Թուրքիայում հաշվառված սիրիացիների թիվը կազմում էր 14․237, ապա հետագա տարիներին այդ ցուցանիշը աննախադեպ աճել է։ Այսպես՝

2013 թ․՝ 224․655
2014 թ․՝ 1 մլն 519․286
2015 թ․՝ 2 մլն 503․549
2016 թ․՝ 2 մլն 834․441
2017թ․՝ 3 մլն 426․786

15․3 մլն բնակչություն ունեցող Ստամբուլում ապաստանել է 538․000 սիրիացի, Շանլըուրֆայում՝ 463․000, Հաթայում՝ 457․000, Գազիանթեփում՝ 350․000, Մերսինում՝ 191․000, Ադանայում՝ 172․000։

Քիլիսում բնակվող սիրիացի փախստականների թվի հարաբերությունը տեղացիների թվի նկատմամբ 100․81 տոկոս է։

Բացի այս՝ ժամանակավոր կացարաններում բնակվում է ևս 228․488 սիրիացի փախստական, վրաններում՝ 27․934, վագոն –տնակներում՝ 30․911։