Թուրքիայից ԵՄ-ում ապաստան ստանալու համար դիմողների թիվն աճել է

Հասարակական12:28, 20 Հունիս 2018

Թուրքիայից ԵՄ-ում ապաստան ստանալու համար դիմողների թիվն աճել է

Եվրամիության ապաստան տրամադրելու հարցերով գործակալությունը (EASO) հրապարակել է ԵՄ երկրներում փախստականի կարգավիճակ ստանալու համար օտարերկրացիների դիմումների մասին ամենամյա զեկույցը: Համաձայն այդ զեկույցի՝ 2017 թվականին ԵՄ երկրներում ապաստան ստանալու դիմում է ներկայացրել 728.470 մարդ: Այս ցուցանիշը 2016 թվականին համեմատ նվազել է 44 տոկոսով:

Չնայած ընդհանուր դիմողների քանակը նվազել է` Թուրքիայից ապաստան ստանալու համար դիմողներն ավելացել են: 2017 թվականին փախստականի կարգավիճակ ստանալու համար Թուրքիայից դիմողների թիվը 2016 թվականի համեմատ աճել է 42 տոկոսով: Եթե 2016 թվականին ԵՄ-ում ապաստան ստանալու դիմում լրացրել էր Թուրքիայի 11.670 քաղաքացի, ապա 2017 թվականին նրանց թիվը եղել է 16.640:

ԵՄ-ում ապաստան ստանալու համար ամենաշատը դիմել են Սիրիայից, որտեղից գրանցվել է 108 հազարից ավելի դիմում: Ամենաշատ դիմումները ստացել է Գերմանիան, որին հաջորդում է Ֆրանսիան:

Աղբյուր` Haberx