Չավուշօղլուն արտասվել է, երբ իմացել է ռուս դեսպանի սպանության մասին

Հասարակական11:49, 21 Հունիս 2018

Չավուշօղլուն արտասվել է, երբ իմացել է ռուս դեսպանի սպանության մասին

Թուրքիայի արտգործնախարար Մևլութ Չավուշօղլուն հարցազրույց է տվել թուրքական հայտնի «Milliyet» պարբերականին, որի ընթացքում խոսել է իր ապրումների մասին, երբ իմացել է, որ Թուրքիայում սպանվել է Ռուսաստանի արտակարգ և լիազոր դեսպան Անդրեյ Կարլովը։

«Ինքնաթիռով գնում էինք Մոսկվա։ Այնտեղ սկսվում էր Սիրիայի հարցով Աստանայի համաժողովը։ Ինքնաթիռն արդեն վայրէջք էր կատարում, երբ հնչեց հեռախոսի զանգը: Վարչապետն էր: Ասաց. «Մևլու՛թ, Ռուսաստանի դեսպանի վրա հարձակում է եղել»: Կարծես եռման ջուր լցնեին գլխիս: Ե՛վ մեր երկրում արտակարգ և լիազոր դեսպանի վրա հարձակման համար, և՛ այն երկիր գնալու համար, որի դեսպանի վրա հարձակում էր եղել: Հեռախոսազանգը ժամանակ առ ժամանկ ընդհատվում էր: Սկզբում չգիտեի, որ մահացել է: Վարչապետը կրկին զանգահարեց ու տեղեկացրեց, որ դեսպանը մահացել է: Այդտեղ ես ցնցվեցի: Բայց ոչ թե վախից կամ մեր երկրների հարաբերությունների հնարավոր վատացումից, այլ՝ ցավից: Այդ թռիչքը չավարտվեց կարծես…

Ինձ շատ վշտացրեց այն, որ մեր երկրում նման դեպք է պատահել, բացի այդ շատ լավ մարդ (դեսպանը) էր: Երեկոյան արտասվեցի: Նրա ընտանիքի հետ դիմավորեցինք աճյունը: Մեր մարդկային պարտքը կատարեցինք:

Վերջին այցիս ժամանակ էլ ընտանիքին այցելեցի»,- ասել է Չավուշօղլուն:

Աղբյուր` Mynet.com.tr