Գարո Փայլանը Թուրքիայի մասին. «Սա ոչ թե պետություն է, այլ մաֆիա»

Հասարակական13:14, 29 Հունիս 2018

Գարո Փայլանը Թուրքիայի մասին. «Սա ոչ թե պետություն է, այլ մաֆիա»

Քրդամետ ընդդիմադիր «Ժողովուրդների դեմոկրատական կուսակցության» (HDP-ԺԴԿ) հայ պատգամավոր Գարո Փայլանն արձագանքել է Թուրքիայի ներքին գործերի նախարար Սուլեյման Սոյլուի այն սպառնալիքներին, որոնք ուղղված էին իրենց կուսակցությանը և համանախագահ Փերվին Բուլդանին:

Սոյլուի սպառնալիքների մասին հայտնել էր հենց անձամբ Բուլդանը:

Փայլանը Twitter-ի միկրոբլոգի իր էջում գրառում է արել.

«Եթե պետության նախարարը իր մաֆիոզ բերանով սպառնում է իր մեծությամբ Թուրքիայի երրորդ կուսակցությանը, ապա կարող ենք ասել, որ սա ոչ թե պետություն է, այլ մաֆիա»:

Հիշեցնենք, որ Սուլեյման Սոյլուն սպառնացել էր թե Թուրքիայի Աղրը բնակավայրում քարը քարի վրա չի թողնի՝ ինչպես դա եղել է Սուրում, Նուսայբինում և Ջիզրեում քուրդ զինյալների դեմ ռազմական գործողությունների ժամանակ։

Devletin bakanı mafya ağzıyla Türkiye’nin üçüncü büyük partisinin başkanını tehdit ediyorsa, ortada devlet değil bir mafya yapılanması var demektir. https://t.co/gvml4aPxO8
— Garo Paylan (@GaroPaylan) June 27, 2018