Հասարակական09:24, 23 Օգոստոս 2018
Աշխարհի 34 երկրում կա սպանված թուրք զինվորների 80 գերեզմանոց
Թուրքիայի պաշտպանության նախարարության և «Թուրքական համագործակցության ու համակարգման գործակալության» (TİKA) տեղեկություններով՝ աշխարհի 34 երկրում կա 80 գերեզմանոց, որտեղ թաղված են թուրք զինվորներ։
Վերջիններս հիմնականում ծառայել են Օսմանյան կայսրության բանակում։ Նրանք մասնակցել են կայսրության կողմից աշխարհի տարբեր ծայրերում մղած պատերազմներին։ Հիմնականում սպանվել են առաջին համաշխարհային պատերազմի 15 տարբեր ռազմաճակատներում։ Սակայն կան նաև այնպիսինները, ովքեր սպանվել և թաղվել են ավելի վաղ տարիներին։
Թուրք զինվորների գերեզմաններ կան Ադրբեջանում, Եգիպտոսում, Իրաքում, Կիպրոսում, Հնդկաստանում, Գերմանիայում, Ուկրաինայում, Ճապոնիայում և այլուր:
Ադրբեջանում կա թուրք զինվորների 9 գերեզմանոց։ Այդ զինվորները սպանվել են 1918թ. Կարմիր բանակի դեմ մղված կռիվների ժամանակ։
Կիպրոսում կա թուրք զինվորների 8 գերեզմանոց։ Դրանք էլ հիմնականում սպանվել են Թուրքիայի զինված ուժերի կողմից 1974թ. Կիպրոսի օկուպացման ժամանակ։
Հետաքրքրական է, որ Ճապոնիայում ևս կան թուրք զինվորների գերեզմաններ։ Ըստ տեղեկությունների՝ դրանք Օսմանյան կայսրությանը պատկանող նավի անձնակազմի անդամներն են։ Վերջիններիս նավը 1890թ. վթարի էր ենթարկվել Ճանպոնիայի ջրերում և խորտակվել։ Նավի անձնակազմի մի մասը փրկվել է։ Փրկվածների մեջ է եղել նաև Օսմանյան կայսրության սուլթան, հայատյաց Աբդուլ համիդ 2-րդի հատուկ դեսպան Օսման փաշան։
Այս ենթաբաժնի վերջին նորությունները
«Այս համերգային շրջագայությունը չեղարկվել է բարձրաստիճան պաշտոնյանների հրահանգով»,- նշել է երաժիշտը։
Փողոցի լայնությունն ընդամենը 60–70 սանտիմետր է, և փողոցով կարող է անցնել միայն 1 մարդ։
Աղքատության բարձր մակարդակ է գրանցվել Հայաստանին սահմանակից Աղրը, Կարս, Իգդիր և Արդահան քաղաքներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |