Էյնշտեյնի «Աստծո մասին նամակը» կրկին վաճառվել է մոտ 2.9մլն դոլարով

Հասարակական08:19, 05 Դեկտեմբեր 2018

Էյնշտեյնի «Աստծո մասին նամակը» կրկին վաճառվել է մոտ 2.9մլն դոլարով

Նյու Յորքի Christie’s աճուրդային տանը վաճառվել է գերմանացի ֆիզիկոս Ալբերտ Էյնշտեյնի ձեռագրով գրված «Աստծո մասին նամակը», որտեղ տեսական ֆիզիկայի հիմնադիրներից մեկը սահմանում է իր կրոնական հայացքները։ Մեկուկես էջանոց նամակը վաճառվել է 2.9մլն դոլարով։

Էյնշտեյնն այդ նամակը գրել Է 1954 թվականին, այսինքն իր մահվանից մեկ տարի առաջ: Այն հասցեագրված Է եղել գերմանացի փիլիսոփա Էրիկ Գուտկինդին:

Նամակն արդեն երկու անգամ վաճառվել է աճուրդի ժամանակ։ 2008-ին լոնդոնյան Bloomsbery աճուրդում մի կոլեկցիոներ, ով ցանկացել է մնալ անհայտ, նամակը ձեռք է բերել 404 հազար դոլարով։ 2012-ին eBay ինտերնետային աճուրդում այն վաճառվել է 3 միլիոն դոլարով։

«Աստված» բառն ինձ համար ավելին չԷ, քան մարդկային թուլությունների արտահայտությունն ու արդյունքը։ Աստվածաշունչը՝ երկրպագվող, բայց բավականին պրիմիտիվ ավանդազրույցների ժողովածու է»,- գրել Է Էյնշտեյնը:

Նամակում ֆիզիկոսը անհամաձայնություն է հայտնել այն տեսակետի հետ, թե հրեա ազգը «ընտրյալ» է։